اطوار ابوذیّات
ازدهر نظمی ابسلالة نسب ونبع
او لأن گلبی انلچم من گرب و نبع
احترم بیت الاصیل ابأدب ونبع
الاصم منهم یحل رأس القضیّه
...
یدنیه انتی ابعذابی لیش تسعین
او علی البیهم وفه والطیب تسعین
احبابی ابیوم چنت ابفرح تسعین
ابضیجی او ما شفت من مر علیّه
...
الطلایب چودرن قصفن ویعمن
علی البیهم وفه اعیونی ویعمن
المرض غیر الیحس وجعه ویعمن
الیمرّه ایزوره ما یحمل اذیّه
...
الدّنیا اتجول و انا افتر وراهه
ابعلم تمطر غضب غنبل وراهه
العمر خلصان وادروبه وراهه
او سمح للگبر یفتح بابه الیّه
...
البنیته او دثّریته اکنوز مالک
البنون الماتفیدک فوگ مالک
اشلفاک او ترکض او لهثان مالک
العمل و الکفن یبرن لک سویّه
...
ابشرفنه انت اصلنه و انت منّه
انت الدّنیا النه و انت منّه
نود نوصل گربکم وانت منّه
الاسف لا صح بدیک او لا بدیّه
...
الوم او ما یخف همّی بلومای
غرگت اببحر لا منجی بلومای
او من یدری ابسبب علتی بلومای
الحمل ما شالته العوّانه الیّه
...
ابشتای او لیلی الازرگ ونت حرلی
ابعذابی ابضیمی تندگ ونت حرلی
یخل حق انتحر لک و نت حر لی
تعلّمت الوفاء ابزودک علیّه
...
اعلی چتفی او زلفک ایخط من شریته
او مثل شجره ابفیایه من شریته
یگولولی حبیبک من شریته
گلت من صغره رابی اببین ادیّه
...
یشامت عینی الک تربی گوانی
او ربّی الشاهد افعالک گوانی
حملت الّام من قهرک گوانی
او صبرت اشما توّد زوّد علیّه
...
البیه غیره او حمیّه او عات ونفات
أسف ما یرجع او هیهات ونفات
علی البیه ذات اجر حسرات ونفات
حسافه اسباع نامت بالوطیّه
...
عجز گلبی او یدّرس الأدب بالمال
علی المو گدهه اشد الحمل بالمال
اکرهه الیشتری له صیت بالمال
المال اذلال للماله تچیّه
...
ابمحبتک داوی ناری ونت داری
حجاب اسمک ابسدری ونت داری
حیاتی انت او مصیری و نت داری
وانت الگلب و انت الروح الیّه
...
عساک ابهجر ینهی اشفاک من نار
تضیت ابغمزة النمّام من نار
اذا شطّک گصب والجرف من نار
السبح ممنوع بیه حوبه او اذیّه
...
الّلعین ابنار ضفته ونهبیته
نهیته ابعار خلته ونهبیته
عساه ابلوعه ینعی ونهبیته
لان دگ رمحه شامت صار الیّه
...
اذراع العوز مجدر شبرمنّه
العزف طوره ابلهجته شبرمنّه
انگطع وصله ابأملنه شبرمنّه
البرم میفید للذاته اجنبیّه
...
کلام ابگلبی یصرخ منجبیته
الصیت ایرید اصله منجبیته
ابو ذات الوفیّه من جبیته
السباع احیاد اهلهم عبقریّه
...
نبی لو وصی شایف من کرمته
عمه و ابرص یداوی من کرمته
امین النّاس اعرفه من کرمته
الفرش مزویته لاسراء الجاهلیّه
...
ابکتاب اللّه افتخر ما طعت یهلای
و احس بایاته تشفی الگلب یهلای
ابّطن بیر الخیانه انگِطف یهلای
مثل یوسف رمونی البلطجیّه
...
گعدنه انطم بچینه ما صحینه
او دخل بینه العریضی ما صحینه
اعلی طاری المجد نمنه ما صحینه
الاهل موته الگعد یهدر بخیّه
...
الضعف بیّن سبانه من ادینه
العجب محّد سمعنه من ادینه
المصایب کلهه اجتنه من ادینه
لأن مدسوسه بینه الطائفیّه
...
جاسم ثعلبی (الحسّانی) 05/03/1400
.jpeg)
:: برچسب‌ها:
اطوار ابوذیّات ,
:: بازدید از این مطلب : 876
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
